• Advertisement
  • Contact
More

    ११ हजारांच्या सुपारीसाठी हत्या
    दुर्गापूर येथील घटना : जागेच्या वादावरून रचला कट

    जागेवरून वाद झाला. याचा राग आई व मुलाला अनावर झाला. दोघांनीही कट रचला. यासाठी ११ हजार रुपयांची सुपारी देऊन वाद करणाऱ्या इसमाची हत्या केली. ही घटना शनिवारी दुर्गापूर येथील वॉर्ड क्रमांक १ मध्ये घडली.
    बंडू कवडू संदोकार, रा. वॉर्ड क्रमांक १ दुर्गापूर, असे मृत व्यक्तीचे नाव आहे. याप्रकरणी दुर्गापूर पोलिसांनी आई मुलासह अन्य दोन जणांना अटक केली आहे. जमनाबाई शत्रुघ्न गंजीर (५२), उमेश शत्रुघ्न गंजीर (२२), दोघेही रा. बाबपेठ. करण किसन डोंगरे (२१). रा.
    बगड खिडकी, शंकर हनुमान तुमराम (२१), रा. महाकाली वॉर्ड, चंद्रपूर, असे अटकेतील आरोपींची नावे आहेत. ११ जुलै रोजी जमनाबाई गंजीर हिचे बंडू संदोकार याच्याशी जागेच्या कारणावरून भांडण झाले. त्याचा राग मनात ठेवून तिने मुलगा उमेश गंजीर याच्यासोबत संगनमताने बंडू संदोकारची हत्या करण्याचा कट रचला. दोघांनी करण डोंगरे व शंकर हनुमान तुकाराम याला बंडूला मारण्यासाठी ११ हजार रुपयांची सुपारी दिली. या दोघांनी शनिवारी बंडूचे घर गाठून त्याला दारू पाजली. मद्यधुंद अवस्थेत बंडूच्या तोंडात दपडा कोंबन सेटिंगच्या तारेने त्याचा
    गळा आवळला. त्याचा मृतदेह तेथेच ठेवून दोघांनी पळ काढला. बंडूचा मृतदेह पडून असल्याची माहिती दुर्गापूर पोलिसांना मिळताच ठाणेदार स्वप्नील धुळे व त्यांचा चमू घटनास्थळी दाखल झाला. मृतदेह संशयास्पद आढळून आल्याने त्यांनी तपासाची चक्रे वेगाने  फिरवत चार जणांना अटक केली