• Advertisement
  • Contact
More

    खळबळजनक। बायको आणी मुलीने केला पोलीस बापाचा खून

    गडचिरोली :- भामरागड तालुक्यातील धोडराज पोलीस मदत केंद्रात कार्यरत असलेले पोलीस हवालदार जगन्नाथ सिडाम 53 यांची 4 जुलै रोजी रात्रीच्या सुमारास नागेपल्ली येथील त्यांच्या निवासस्थानी हत्या करण्यात आल्याची घटना घडली होती. या घटनेमुळे सर्वत्र खळबळ माजली आहे. या हत्याकांडाचा तपास अहेरीचे उपविभागीय पोलीस अधिकारी विशाल ठाकूर करीत आहेत.

    या हत्याकांडाचा उलगडा पोलीस चौकशीवरून झाला असून पोलीस हवालदार सिडाम यांच्या हत्या प्रकरणात त्यांची पत्नी व मुलीचा सहभाग असल्याची धक्कादायक माहिती उजेडात आली आहे. सुपारी किलर द्वारे सिडाम यांची हत्या करण्यात आली आहे. याप्रकरणात पोलीसांनी मृतकाची पत्नी, मुलगी आणि एका आरोपीला अटक केली आहे. या प्रकरणात आणखी दोन आरोपीचा सहभाग असून त्यांचा शोध सुरू असल्याची माहिती तपास करणारे उपविभागीय पोलीस अधिकारी विशाल ठाकूर यांनी दिली आहे.
    पोलीस हवालदार सिडाम यांच्या हत्येचे मुख्य सुत्रधार त्यांची पत्नी व मुलगी असल्याचे स्पष्ट झाले आहे. त्यांच्या पत्नीने कोणत्या कारणास्तव पतीच्या हत्येचे कटकारस्थान रचून हत्या घडवून आणली याबाबत अधिकृत माहिती पोलीस सुत्रांकडून प्राप्त झालेली नाही.