• Advertisement
  • Contact
More

    ‘महिलांनो,.. तुमच्या कडे कोणी वाईट नजरेने पाहिल, तर त्याला धडा शिकवा’ – मुख्यमंत्री उद्धव ठाकरे

    महिलांनी आत्मनिर्भर झाले पाहिजे, मला कोणाचीही गरज नाही, असा आत्मविश्वास बाळगला पाहिजे. कोणी तुमच्यावर वाईट नजर टाकली तर त्याला धडा शिकवला पाहिजे. तुमचे अनुकरण संपूर्ण देशाने केले पाहिजे. महाराष्ट्र पोलिस सदैव तुमच्या पाठीशी राहतील. असं प्रतिपादन राज्याचे मुख्यमंत्री उद्धव ठाकरे यांनी केलं आहे. ‘महिला सुरक्षा पथदर्शी प्रकल्पाच्या माध्यमातून राज्याने महिलांच्या सुरक्षेच्या दृष्टीने एक पाऊल पुढे टाकले असल्याचं देखील मुख्यमंत्री ठाकरे म्हणाले. त्यावेळी ते साताऱ्यातील अलंकार हॉलमध्ये महिला सुरक्षा पथदर्शी प्रकल्पाच्या ऑनलाइन कार्यक्रमात बोलत होते.
    मुख्यमंत्री उद्धव ठाकरे बोलताना म्हणाले, ‘पोलिसाबद्दल तळमळ, आपुलकी, आस्था आहे. पोलिस अठरा तास काम करतात. ऊन, वारा व पावसाची तमा न बाळगता जनतेचे रक्षण करतात. मागील दीड वर्ष कोरोनाशी आपण लढत आहोत. या लढाईत अनेक पोलिस बाधित झाले. काहींचा दुर्दैवी मृत्यू झाला. महाराष्ट्र पोलिस जनतेच्या संरक्षणासाठी काम करीत आहे. सातारा पोलिस दलाने महिला सुरक्षा पथदर्शी प्रकल्पास विविध समाज माध्यमांचा वापर करून आधुनिकतेशी सांगड घातली आहे, असं देखील मुख्यमंत्री ठाकरे म्हणाले.

    या कार्यक्रमादरम्यान बोलताना गृह राज्यमंत्री शंभूराज देसाई म्हणाले, ‘पोलिस
    विभागातील ज्या महिला व पुरुष कर्मचाऱ्यांना ज्युडो कराटे येतात. अशा कर्मचाऱ्यांकडून शाळा,
    महाविद्यालयातील मुलींना स्वत:ची सुरक्षा कशी करता येईल, यासाठी प्रशिक्षण देण्यात येणार आहे. शाळा व
    महाविद्यालये कोरोनाच्या पार्श्वभूमीवर ऑनलाइन सुरू आहेत. महिला सुरक्षा पथदर्शी प्रकल्पामुळे छेडछाडी, अपवृत्तींना आळा बसण्यास मोठी मदत होणार आहे. तसेच, अपप्रवृत्तींना धाक बसणार असून, गुन्ह्यांचेही प्रमाण कमी होण्यास मदत होणार असल्याचं त्यांनी म्हटलं आहे.